بيوم من الايام صحيت الصبح صليت الفجر و بدي أطلع على الدوام، رحت على مجمع الباصات عشان أركب بباص يوصلني عالشغل، لما وصلت صاحب الباص ما رضي يطلعني مع إنه كان في وسع بالباص، حكيتله يا عمو بضلني واقف ما رضي، بدفعلك زيادة كمان ما رضي، فأنا قررت أوقف قدام الباص و ما أخليه يتحرك، لما وقفت قدامه نزل صاحب الباص و صار يلحق وراي بده يضربني فأنا صرت أركض، ركضت مسافة كثير طويلة و هو بلحق وراي و بيحكي حرامي حرامي، أثناء المسافة الطويلة الي ركضناها مرينا من عند ناس، هذول الناس لا ارادياً كمان صاروا يركضوا وراي، بعدين ركضنا من عند شرطه كمان صاروا الشرطه يركضوا وراي، أنا بهاي اللحظة خفت على حالي و قررت أوقف و أروح على الشرطة و أحكيلهم شو صار معي، وقفت و حكيت للضابط الي صار معي بالزبط، بعدين ركبوني بسيارة الشرطة و معي شرطي و رجعوني لعند الباصات، ركبوني بباص و أخيراً رحت على الدوام بسلام.
ليست هناك تعليقات:
إرسال تعليق